Sezoni vjeshtë-dimër i këtij viti duket se është i pasur me shumë ngjyra. Ngjyrat e ndritshme do të jenë mbizotëruese dhe ndoshta mund të largojnë sadopak zymtësinë e këtyre stinëve. Nga të gjitha ngjyrat që janë më trend, duket se njëra prej tyre preferohet më shumë nga vajzat dhe blogeret e njohura. Roza dhe nuancat e saj në vjeshtën dhe dimrin e këtij viti do ta gjeni në çdo veshje dhe jo vetëm. Armina Mevlani është një ndër blogeret që e preferon më së shumti. Ditët e fundit kemi vënë re se roza është zgjedhja e saj e parë për fustane, kostum apo dhe për çantë.
Madje dhe në javën e modës në Paris duket se kjo ngjyrë mbretëron mes gjithë të tjerave dhe kombinimet me të janë të shumëllojshme. Prandaj nuk duhet të keni më dyshime, thjesht shtojini garderobës tuaj pak më shumë rozë. /revistawho.com
