Aulona Musta uron mamanë për ditëlindje

Gazetarja e njohur Aulona Musta feston sot ditëlindjen e mamasë së saj. E sigurisht që në këtë ditë nuk mund të mungojnë fjalët nga zemra të Aulonës për të. Në një foto të postuar në ‘Instagram’ Aulona shkruan: “E shtrenjta ime…gëzuar ditëlindjen! Të të them që je mami më e mirë në botë, nuk do të bënte aspak çudi sepse cilado nënë e tillë është për fëmijën e saj. Të të them sa shumë të dua, edhe kjo është një gjë shumë normalë, çdo fëmijë e do nënën e tij. Ajo që unë nuk do të rresht kurrë së bëri është të të falenderoj për çdo sekondë të jetës tënde që më ke dedikuar mua dhe do të lutem që këto sekonda të zgjasin sa më shumë, sepse unë pa ty nuk do të isha kjo që jam dhe jam e sigurt që për sa më shumë kohë të të kem pranë, aq më me vlerë do jenë ditët, muajt, jeta ime. Ti je bekim për këdo që të ka pranë vetes. Në këtë botë, unë nuk kam njohur qoftë edhe një njeri të vetem të të afrohet për së largu për të gjitha vlerat që ti ke si femer, si bashkëshorte, si nënë, si vajzë, si bashkëpunëtore, por mbi të gjitha si NJERI. E di që këto fjalë duken të ekzagjeruara për ata që nuk të njohin, por unë i them me krenari dhe sigurinë më të plotë, sepse jam e bindur që kush te njeh jo vetëm që më jep të drejtë, por edhe do shtonte shumë të tjera nga vetja. Kë qenë dhe do mbetesh shembulli im në jetë, edhe pse nuk do arrij dot kurrë të jem as sa gjysma jote! Të dua pa fund! Faleminderit për çdo gjë ke bërë dhe vazhdon të bësh për mua!”.