Një bashkëshort si Turi, mbështetësi më i madh i Orindës

Në korrik të vitit të kaluar Orinda Huta dhe Turjan Hyska kurorëzuan me martesë dashurinë e tyre shumëvjeçare. Tashmë që ka kaluar më shumë se një vit, Orinda ka treguar se çfarë ka ndryshuar në jetën e tyre. Moderatorja ishte e ftuar në emisionin ‘Rudina’ dhe ka folur mbi projektet e reja dhe jetesën e tyre. Në lidhje me jetën si të martuar, Orinda tha se nuk ka ndryshuar ndonjë gjë e madhe. Ajo ka shtuar se kujdeset shumë për shtëpinë, mbi të gjitha për gatimin që duket se e ka dhe pasion. “Më pëlqen shumë të gatuaj në shtëpi çdo ditë. Kujdesem që të paktën një vakt ta gatuaj në shtëpi”, – ka thënë Orinda. Më tej ajo ka shtuar se Turi është gjithmonë i pari që provon gatimet e saj dhe se asnjëherë nuk e ka kritikuar edhe nëse ushqimi nuk ka qenë i shijshëm. Ndërsa përsa i përket familjes, ajo ka thënë dhe njëherë tjetër se po punojnë që shumë shpejt të bëhen prindër. /revistawho.com