Revistawho.com sjell çdo javë receta të ndryshme gatimi nga shefi i njohur i kuzhinës, Renato Mekolli. Njihuni me dy recetat e radhës.
Mish qengji me perime
Përbërësit:
800 gr mish qengji
Gjysme litër verë e kuqe
50 gr djathë i bardhë
1 kungull jeshile
1 karotë
1 patate
1 qepë
1 domate
1 spec jeshil
1 patëllxhan
1 qepë e njomë
2 thelpinj hudhra
1 kërcell rozmarine
2 gjethe dafine
1 lugë rigon
Kripë piper vaj ulliri
Presim mishin në kube të mëdha. E skuqim mirë dhe më pas i shtojmë perimet e prera në kube derisa të zbute. Më pas i shtojmë verën e kuqe, erëzat dhe 1 litër ujë. E lëmë të ziejë për 1 orë e 30 minuta. Pasi ta kemi zier e heqim nga zjarri dhe i hedhim djathin e bardhë.
Lajthi të karamelizuara
Përbërësit:
500 gr lajthi
100 gr sheqer
50 ml ujë
Në një tigan vendosim lajthitë, sheqerin dhe ujin. I përziejmë vazhdimisht derisa të karamelizohen. Masën e vendosim në një letër kuzhine dhe e lëmë të ftohet. Lajthitë e karamelizuara i përdorim si dekor për torta. /revistawho.com
