Ka shumë njerëz që shmangin konsumimin e ushqimeve të pasura me karbohidrate, duke qenë se mendojnë se nuk janë të shëndetshme. Por sasia e paktë e karbohidrateve ka disa efekte negative në trup. Konsumimi i tepërt i karbohidrateve shkakton shtim në peshë, ndërsa konsumimi i pakët i tyre mund të sjellë probleme të tjera. Këto janë shenjat e zakonshme, prej të cilave do të kuptoni se nuk po konsumoni sa duhet karbohidrate.
Nuk po humbni peshë
Thuhet se sa më pak të konsumoni karbohidrate, aq më shpejt do të humbni peshë. Megjithatë karbohidratet janë të domosdoshme për të mos patur probleme me metabolizmin. Nëse konsumoni më pak se 80 gram karbohidrate në ditë dhe stërviteni shumë, niveli i karbohidrateve do të jetë shumë i ulët për të normalizuar yndyrën në trup dhe vlerat metabolike do të ngadalësohen me kalimin e kohës.
Ndiheni të lodhur
Ndjenja e lodhjes mund të jetë një shenjë kyçe që ju nuk po përfshini karbohidrate në dietën tuaj. Kjo mund të vijë për shkak të një ndryshimi në nivelin e glukozës në gjak. Lëvizja e niveleve të glukozës në gjak mund të rezultojë në dhimbje koke dhe paaftësi për t’u përqëndruar dhe një ndjenjë e përgjithshme e letargjisë.
Probleme me tretjen
Ushqimet që kanë karbohidrate janë burime të pasura me fibra dietike që ndihmojnë në lëvizjen e shpejtë të zorrëve. Kështu konsumimi i pakët i karbohidrateve mund të shkaktoj kapsllëk. /revistawho.com
