Prej kohësh përflitet se Meghan Markle është shtatzënë dhe do të sjellë në jetë fëmijën e parë. Gjatë ditës së sotme në ceremoninë e martesës së Princeshë Eugenie, të gjithë sytë ishin tek Meghan. Dukesha mbante veshur një xhaketë sipër fustanit dhe askush nuk arriti të kuptonte nëse ajo ishte shtatzënë apo jo.
Megjithatë dyshimet kanë filluar të shtohen pasi u zbulua se Meghan mund të mos vizitojë Fijin gjatë turit të saj mbretëror. Një person që merret me guidën e vendit ka treguar se vetëm Princ Harry do të shkojë për vizitë atje. Ndërkohë një revistë australiane ‘New Idea’ ka raportuar se atje mund të përhapet virusi Zika, që është shumë i dëmshëm për nënat shtatzënë dhe për fëmijën që do të vijë në jetë. Princ Harry dhe Meghan Markle kanë shprehur prej kohësh dëshirën e tyre për të krijuar një familje dhe ndoshta këtë herë dëshira e tyre do të plotësohet. /revistawho.com
