Alfio flet për lidhjen me Fatmën, zbulon si u njohën

Prej kohësh përfliteshin për një lidhje së bashku, por vetëm pak ditë më parë shefi i njohur i kuzhinës, Alfio Rrotani, me anë të një fotoje tejet të veçantë, konfirmoi se ai dhe moderatorja e dashur, Fatma Methasani, janë çift. Ndërsa sot për ‘Jo vetëm modë’, Alfio ka zbuluar si u njohën dhe u dashuruan me njëri-tjetrin. “Ne jemi njohur kur ishim tek emisioni tjetër. Gjërat thjesht ndodhën dhe kaq. Mund të jetë edhe merita e atyre lajmve që publikoheshin në rrjete sociale. Por unë besoj se thjeshtësia është gjëja më e bukur tek një person”, u shpreh ai, duke zbuluar kështu edhe atë çka pëlqen më shumë tek Fatma.