Balerini shqiptar, Ilir Shaqiri prej vitesh është duke jetuar në Itali, aty ku ka ndërtuar karrierën dhe ka familjen e tij. Balerini është i martuar me aktoren italiane, Emanuela Morini, me të cilën ka edhe një vajzë të quajtur Emily.
Emily është lindur dhe rritur në Itali dhe për këtë shkak nuk ka mundur të mësojë të komunikojë në gjuhën shqipe. Në një intervistë të dhënë pak kohë më parë Iliri është shprehur se është përpjekur t’i mësojë së bijës shqip, por rrethi shoqëror i saj ja ka bërë pak të vështirë. Por duket se Emili është një vajzë e shkathët dhe ja ka dalë të mësoje pak fjalë shqip. Në një video të publikuar në ‘Instastory’ nga Iliri, ajo përshëndet shqiptarët në gjuhën shqipe.
“Përshëndetje! Uroj të jeni mirë, ju puth shumë”, shprehet ajo.
Kujtojmë se ditën e djeshme Emily festoi ditëlindjen e saj./revistawho.com
