Pak ditë më parë në media u përhap lajmi se këngëtari Michael Buble do të heqë dorë nga muzika dhe karriera e tij. Shkak për këtë është bërë gjendja e të birit, i cili prej kohësh po kurohet nga kanceri. Por me sa duket lajmi nuk është aspak i vërtetë. Në një deklaratë të dhënë së fundmi nga një përfaqësues i tij, ai shprehet se këngëtari nuk ka asnjë plan për t’u larguar nga muzika.
“Ndoshta ndërsa ishte duke shprehur emocionet e ndryshme që ka provuar vitet e fundit, ka thënë që ky mendim mund t’i ketë kaluar në mendje. Por, me një album të ri që pritet të hidhet në treg, me ftesa në televizione dhe me një tur të mundshëm, mund t’ju siguroj që Michael Buble nuk po tërhiqet nga muzika!”- ka shpjeguar përfaqësuesi i tij.
Meqenëse lajmi nuk ka qenë i vërtetë, tani jemi në pritje të projekteve të reja të këngëtarit./revistawho.com
