Revistawho.com sjell çdo javë receta të ndryshme gatimi nga shefi i njohur i kuzhinës, Renato Mekolli. Njihuni me dy recetat e radhës.
Pulë me speca, domate dhe mashurka
Përbërësit:
1 pulë mesatare
Lëng pule
100 gr djathë pekorino
200 gr domate
1 qepë e thatë
1 spec i kuq
1 spec jeshil
1 spec i verdhë
1 spec djegës
5 thelpinj hudhre
1 tufë borzilok
Kripë
Piper
Vaj ulliri
Lajmë perimet dhe i presim në shirita të gjatë. Presim pulën në racione dhe e vëmë të skuqet në një tenxhere bashkë me perimet (përveç domates). Pas pak i shtojmë 500 ml ujë ose lëng pule. E lëmë të ziejë për 45 minuta, derisa të jetë lidhur mirë. Në 10 minutat e fundit shtojmë djathin dhe borzilokun.
Liker shege
Përbërësit:
350 gr sheqer
200 ml lëng shege
10 kokrra piper jeshil
10 kokrra piper i kuq
10 kokrra piper i ëmbël
6 shkopinj kanelle
2 lëkura mandarine dhe lëngu i tyre
3 shegë të qëruara
1 litër xhin tonik
Në një tenxhere vendosim të gjithë përbërësit së bashku, përveç kokrrave të shegës dhe xhin tonik. I ziejmë në zjarr shumë ngadalë derisa të shkrihet plotësisht sheqeri. E lëmë të ftohet mirë dhe më pas i shtojmë xhin tonik dhe kokorrat e shegës. E vendosim likerin në një shishe të mbyllur mirë dhe e lëmë për 20 ditë. Pas 20 ditësh e kullojmë likerin dhe e vendosim sërish në një shishe të mbyllur mirë në frigorifer./revistawho.com
