David Beckham pak ditë më parë tha se martesa është diçka shumë e vështirë, duke pranuar se mes tij dhe Victorias gjërat nuk po ecin mirë. Dy ditë pas kësaj, Victoria Beckham është shfaqur në një qendër ‘wellness’-i në Gjermani që është e specializuar në balancimin e emocioneve. 44-vjeçarja ndau me të gjithë një fotografi nga kjo qendër dhe ishte e veshur më sportive se kurrë më parë. Këto kohë, Victoria duket se do t’ja dedikojë plotësisht vetes së saj.
‘Daily Mail’ shkruan se në këtë qendër ‘wellness’-i ka disa trajtime të ndryshme për menaxhimin e stresit, rikuperimin nga një sëmundje, program ‘fitness’-i, për të përmirësuar jetën dhe shëndetin në përgjithësi.
Megjithatë ende nuk dihet se cilën nga paketat ka zgjedhur Victoria për veten e saj. Kujtojmë se prej disa kohësh, Victoria dhe David përfliten për një divorc mes tyre dhe rrëfimi i fundit i ish-futbollistit i ka shtuar akoma dhe më shumë dyshimet. /revistawho.com
