Profesionisti Owen Scarbien e fotografoi në verën e vitit 1988. “Ishte e freskët, natyrale, me një bukuri të rrallë”, tha ai për supermodelen Kate Moss. Bëhet fjalë për set-in e saj të parë fotografik realizuar kur modelja nuk ishte ende modele, kishte vetëm 14 vjeç. Pikërisht ky album pritet të dalë në një ekspozitë në Londër. Asokohe Scarbien mori një telefonatë nga menaxherja e Moss, Sara Doukas. Ajo e kish zbuluar Kate kur ishte sapo adoleshente në aereoportin e New York. Sarah menjëherë mendoi që ajo ishte perfekte dhe me një grintë që mund të “hidhte përtokë” gjithë qytetin New York kur e ndaloi në daljen për në avion bashkë me prindërit e saj. “Është një modele që duhet absolutisht ta shohësh”, i tha ajo fotografit të famshëm. Sot fotografi ka vendosur që me pozat e para të Kate Moss të hapë një ekspozitë në Londër, në ‘Zebra Gallery” kushtuar ikonës së modës.
