Rreth tre muaj më parë këngëtarja me famë ndërkombëtare Demi Lovato, u gjend në gjendje të vështirë shëndetësore në apartamentin e saj. Këngëtarja kishte përfunduar në atë situatë për shkak të mbidozës dhe për fat të mirë ja doli që të mbijetojë. Pasi doli nga spitali Demi i vendosi vetes qëllim se nuk do të konsumojë më lëndë narkotike, madje nisi edhe të shkojë në qendra rehabilitimi. Tani që janë bërë 90 ditë nga mjekimi nëna e saj ka treguar detaje nga gjendja shëndetësore e së bijës. Në një intervistë për “Dalily Mail”, Dianna De La Garz zbuloi se është shumë krenare për të bijën, pasi ka 3 muaj që është esëll.
“Ajo ka 90 ditë aty, ndaj unë nuk mund të jem më falenderuese ose më krenare, sepse varësia, kur kthehet në sëmundje, është e vështirë. Është aq e rëndë dhe nuk ka një shteg nga i cili mund të dalësh”,- u shpreh e ëma e 26-vjeçares./revistawho.com
