Pas transmetimit të emisionit ‘Xing me Ermalin’ është krijuar një debat i madh në rrjete sociale mes personazheve të njohur. Në emision ishin të ftuar çifti i njohur, Tuna dhe Patrisi, të cilët folën për marrëdhënien e tyre me Robert Berishën dhe jo vetëm. Në debat është përfshirë edhe moderatorja Rudina Magjistari, pasi Tuna tha se nuk do të shkonte asnjëherë në emisionin e saj. Nuk mungoi edhe një përgjigje nga ana e Rudinës, e cila u shpreh se i vinte keq që Tuna mbante aq shumë urrejtje në shpirt dhe për personat që e kanë afër. Ermal Mamaqi nuk qëndroi indiferent pas gjithë këtij debati, sepse mbi të gjitha në të është i përfshirë emisioni dhe emri i tij. Moderatori u është përgjigjur të gjithë atyre që kanë gjykuar Tunën dhe kanë folur kundër saj në rrjete sociale.
“Pashë histerinë e atyre që duan të shohin vetëm njerëz në kornizë, të rrinë drejtë, të flasin të shtirur, të mos qeshin shumë dhe nuk e durojnë dot një artist që të lëshojë pak veten. Por kjo është Tuna, nuk e kursen kurrë veten si në performanca artistike, si në raportin me publikun dhe në fund është shumë më e vërtet se ata që nëpër emisione japin vetëm përgjigje për të ruajtur imazhin. Personalisht unë e shijova shumë… edhe çifti e shijoi. Edhe ju që bëni moral e shijuat më shumë, meqë siç e tha dhe Tuna jeni më të interesuar në hallet familjare të personazheve se sa në karrierën e tyre. Ama keq kur i fshehin, e keq kur ua shuajnë kuriozitetin. Gabimi i vetëm i Tunës është që duke e ditur që gjithmonë figura e femrës masakrohet dhe fajësohet për të gjitha problemet familjare, ajo nuk ka frikë! Nuk përpiqet të manipulojë publikun duke u shtirur, por të çarmatos me sinqeritetin, edhe atëherë kur thotë me zë gjëra qe guxojmë ti mendojmë vetëm në fshehtësi. Uroj të kem në emision më shumë të ftuar të tillë!”, – ka shkruar Ermali në ‘Instagram’. /revistawho.com
