Mjaftoi një deklaratë e Tunës në ‘Xing me Ermalin’ se nuk do të shkonte asnjëherë në emisionin e Rudina Magjistarit, për të hapur një debat të madh në rrjete sociale. Pasi këngëtarja u shpreh me ironi, Rudina reagoi përmes një statusi të gjatë në ‘Instagram’. Ajo shprehej se i vinte keq që Tuna mbante aq shumë urrejtje në shpirt, kur mes të dyjave nuk ka ndodhur asgjë. Duke u munduar të gjithë të kuptojnë se çfarë po ndodh në këtë histori paksa të ngatërruar, opinionisti Olti Curri ka vendosur të shpjegojë disi situatën. Olti i ka dalë në mbrojtje Rudinës, duke treguar se moderatorja nuk dëshiron që asnjë personazh i ekranit të ndihet keq.
“Hajde Tuna hajde. Epo të ndezësh debat edhe me Rudina Magjistarin! Nuk di domethënë. Unë shkoj te Rudina që komentoj VIP-at dhe Rudina skuqet deri tek veshët kur unë hap krahun siç publiku më njeh, sepse ajo nuk do që askush nga personazhet e ekranit të ndjehet keq. Normale se dhe vetë ka vite që e njeh famën”, – ka shkruar Olti.
Më tej ai ka shtuar se Tuna është e shqetësuar për famën e saj dhe prandaj po përdor Rudinën dhe gjithë këtë histori për të fituar vëmendjen.
“Çfarë pyetje? Çfarë ka ndodhur mes tyre! Rudina ka absolutisht emisionin më të ndjekur të pasdites në Shqipëri (jo më kot edhe Ermal Mamaqi e futi në valle në mungesë?, ndërsa Tunës i ka ikur treni me gjithë mashinist dhe faturino. Në koncerte marrin Taynan, Kidën, Dhurata Dorën, ndërkohë Dua Lipa, Era Istrefi po pushtojnë botën. Si të jetë rehat Tuna! Ja dhe këtë enigmë e zgjidha”, – është shprehur opinionisti në reagimin e tij në ‘Instagram’. /revistawho.com
