Robert Berisha ka patur rastin ditën e sotme që t’i përgjigjet deklaratve të fundit që bëri vëllai i tij në emisionin ‘Xing me Ermalin’. Patrisi doli publikisht për herë të parë i ftuar në një emision dhe u shpreh lidhur me problemet familjare që tashmë janë bërë publike duke thënë se tani ka familjen e tij dhe mendon veç për ta. Roberti i ftuar në ‘Rreze dielli’ nuk i shpëtoi pyetjes mbi debatet e fundit publike që kanë përfshirë familjen e tij.
Me shaka ai u shpreh: “Vëllau është si shkjau”, ndërsa më tej tregoi se më shumë se gjithçka tjetër është i lumtur për ta. “Janë disa thënie të këtij tipi në Kosovë dhe e kam menduar si shaka duke qenë se e njoh Patrisin shumë mirë. Ai është çun shumë i mirë dhe pozitiv. Patrisi e tha atë që duhet thënë. Mua mu dukën shumë mirë aty dhe shpresoj që t’i shoh gjithë jetës mirë. Secili ka familjen e vet. Nuk jam mërzitur. Unë e di të vërtetën. Di sa jemi të lidhur familjarisht ne të Berishajve. Të gjithë e dinë, madje ka disa komente aty në ‘Youtube’, njerëz që më njohin mua më herët, se çfarë kam bërë për familjen e vëllain. Të gjithë duhet të bëjmë për familjen sigurisht. Kështu që unë besoj që e vërteta gjithmonë del. Ndoshta kam bërë gabim dhe unë që kam folur, dhe ata që e kanë dhënë intervistën. Unë i uroj shumë sukses, shëndet djalit të tyre dhe me kaq të përmbyllet çdo muhabet”,-ka deklaruar më tej Roberti.
Kujtojmë se çështjet familjare të familjes Berisha, kanë marrë përmasa të mëdha dhe janë bërë pjesë e debateve publike, por pas kësaj deklarate ndoshta gjërat do mbyllen me kaq./revistawho.com
