Së fundmi Rita Ora është shfaqur përkrah “ish-armikes” së saj, Cara Delevingne në një emision televiziv. Dy vajzat e njohura ishin të ftuara për të folur për bullizmin në rrjete sociale dhe jo vetëm. Gjatë intervistës, Rita ka zbuluar disa sekrete të saj për kujdesin e lëkurës dhe grimin.
Këngëtarja me origjinë shqiptare tha se gjithmonë i duhet kushtuar rëndësi gjumit, konsumimit të ujit, qerpikëve dhe buzëve. Ndërsa përsa i përket rutinës së saj për kujdesin e lëkurës, Rita ka treguar: “Kur shkoj në shtëpi gjithmonë laj fytyrën dhe heq grimin. Kujdesem për hidratimin e lëkurës dhe nëse kam ndonjë lloj vaji e aplikoj në fytyrë”. Ajo ka zbuluar se për ‘make up’-in sigurisht që kujdesen disa profesionistë, megjithatë kur i duhet të nxitojë shpesh merret vetë edhe me këtë punë. /revistawho.com
