Problemet me lëkurën shpesh mund të na shkaktojnë shumë stres dhe e kemi të vështirë të gjejmë një zgjidhje efektive. Pavarësisht se shumë prej problemeve janë thuajse të zakonshme për të gjithë njerëzit duket sikur është e pamundur t’i trajtosh. Megjithatë gjithmonë ka një zgjidhje dhe më poshtë do të njiheni me disa prej tyre për problemet e përditshme të lëkurës.
Bërrylat dhe gjunjët e zezë
Fërkoni bërrylat dhe gjunjët me gjysmë limoni çdo ditë, shpëlajeni dhe aplikoni vaj susami.
Rrudhat në duar
Duart janë të parat që tregojnë shenjat e plakjes dhe prandaj duhet treguar kujdes i veçantë edhe për to. Për të parandaluar krijimin e rrudhave përdorni një krem të mirë hidratues pasi të laheni dhe përdorni gjithmonë krem kundra diellit me mbrojtje SPF 15.
Rrathët e zinj poshtë syve
Çdo mëngjes vendosni nga një copë kastraveci tek sytë për rreth 10-15 minuta. Në vend të kastravecave mund të përdorni edhe qeset e çajit.
Vijat/rrudhat rreth qafës
Ne i kushtojmë gjithmonë rëndësi fytyrës, por harrojmë qafën. Madje lëkura rreth qafës është shumë herë më e ndjeshme se ajo e fytyrës. Prandaj për të trajtuar problemet duhet të pastroni lëkurën nga qelizat e vdekura. /revistawho.com
