Pak ditë më parë në media bëri bujë lajmi i reperes nga Kosova, Nikka. Në një deklaratë ajo akuzonte këngëtarin, Besnik Qaka, për vjedhje të këngës “Ani mori nuse”.
“Edhe pak ditë vjen projekti im i radhës “Ani mori nuse” edhe pse ketë ide me kuptimin e plotë të fjalës ma ka vjedhur artisti në fjalë, Besnik Qaka me projektin e publikuar para pak ditësh. Për mua kjo nuk ka shumë rëndësi, sepse ti mund të më vjedhësh mua idenë por asnjëherë mënyrën si unë bëj art. Kjo është dhunti nga Zoti”, shkruante Nikka ndër të tjera.
Vetëm një javë pas akuzave të rënda, Besniku ka reaguar në një intervistë për emisionin “NIN” ku ka treguar se kjo ngjarje e ka prekur shumë.
“Ideja e kësaj kënge ka nisur në 1 shtator. Idenë ma kanë dhënë mua. E pranova dhe shkova në studio për të punuar. Këto akuza që po i hidhni, unë shoh një fare lloj viktime se ndoshta ja kanë shitur këngën pa idenë time. Por duhet të më pyesnin për hir të korrektësisë. Nëse dikush mendon se unë ja kam vjedhur idenë dikujt me 20 vite karriere, unë i jap fund karrierës. Të them të drejtën u preka shumë që më akuzuan. Nuk u mora fare me këtë punë. I kam parë postimet por i kam injoruar. Ajo vajzë ka rënë viktimë se ja kanë shitur këngën pa i treguar se po e bëja dhe unë. Herë tjetër t’i shqyrtojë gjerat më mire se nuk ndërtohet karriera me akuza”, u shpreh Besniku.
”Ani mori nuse”, është një këngë e cila brenda pak ditëve është kthyer në hit./revistawho.com
