Ditën e djeshme Era Istrefi e tregoi edhe një herë tjetër se nuk di të ndalet. Pa bërë aspak zhurmë ajo publikoi dy këngë, të cilat vinin në bashkëpunim me emra të njohur të muzikës botërore. Njëra prej tyre “Purpose” vjen në bashkëpunim me këngëtarin britanik Jonas Blue. Kjo këngë është pjesë e albumit më të ri të Jonas, i cili zgjodhi që dhe Era të ishte pjesë e tij. Në një intervistë të dhënë ditën e djeshme për “Billboard” Jonas Blue ka folur edhe për talentin shqiptar, e nuk nguron ta cilësojë Erën si vajzën e hiteve.
“Era Istrefi ishte zgjedhja perfekte. Ajo kishte nivelin e duhur për stilin e kësaj kënge. Unë jam shumë i lumtur për këtë bashkëpunim, si dhe për produksionin final të këngës.” – u shpreh Jonas Blue.
https://www.youtube.com/watch?v=gAHmUn8t2pM
Menjëherë pas publikimit kënga ka arritur me mijëra klikime në “Youtube” dhe të gjithë vlerësojnë Erën për stilin e veçantë./revistawho.com
