Enca dhe Noizy njihen si dy këngëtarë shumë të suksesshëm. Dikur miq dhe bashkëpunëtorë, ndërsa sot çdo raport mes tyre është ndërprerë. Për të parën herë Enca ka reaguar dhe ka folur hapur rreth këtij konflikti duke zbuluar arsyet që fshihen pas tij dhe gjithçka ka përjetuar. E ftuar mbrëmjen që lamë pas në ‘NIN’ ajo zbuloi: “Unë nuk jam përjashtuar nga OTR, sepse askush s’mund të marrë vendin tim. Kisha një lidhje shoqërore dhe profesionale me atë artist prandaj për mua ishte zhgënjim i madh. Dhe vetëm për respektin që kisha, për çfarëdo suksesi që ne kemi ndërtuar bashkë, nuk kam folur apo nuk kam thënë fjalë të këqija, jo se kam frikë të flas”.
Më tej teksa shpjegonte arsyen pse erdhi konflikti Enca zbulon edhe mesazhin që Noizy i ka dërguar. “Në momentin që mua një person, kushdo qoftë ai, nuk më respekton dhe më hedh poshtë për asgjë, kjo tregon se ne nuk kemi qenë kurrë miq. Dhe unë nuk doja të isha më pjesë e atij grupi. Mesazhi që mua më erdhi ishte: “Më kërko falje publikisht ose do shkruaj diçka në Instagram”. Replika ime ishte, “Hajde të takohemi, ta flasim këtë gjë nga afër”, por jo të gjithë kanë pjekurinë, inteligjencën dhe dashamirësinë time. Ndoshta në atë moment unë kuptova, jo që humba një shok, por kurrë se kam pasur një shok. Ishte diçka që u bë shumë e madhe. Thjesht harroje i thashë. Në momentin që ti nuk respekton një femër, ti i tregon të gjithëve që është ‘ok’ ta bësh këtë edhe pse nuk është”,-u shpreh këngëtarja.
Siç edhe Enca e pohoi, miqësia dhe çdo gjë mes tyre ka marrë fund. Tashmë gjithçka që i lidh reperin dhe këngëtaren janë bashkëpunimet e suksesshme që kanë së bashku./revistawho.com
