Jessie J ka nisur së fundmi turin e saj për të promovuar albumin më të ri që titullohet ‘Rose’. Gjatë performancës më të fundit në “Royal Albert Hall”, para se të këndonte ‘Four Letter Word’, ajo ka ndarë me të pranishmit një lajm të keq që e fshihte prej 4 vitesh.
“Unë nuk jua them juve që të me doni, sepse e di që jam ndër miliona gra dhe burra që kanë kaluar një situatë të tillë dhe do të vijojnë ta kalojnë. Nuk mund të jetë diçka që na përcakton, por dëshiroja ta shkruaja këtë këngë për veten time në momentin e dhimbjes dhe trishtimit, gjithashtu për t’i dhënë vetes gëzim dhe njerëzve të tjerë diçka që ata mund ta dëgjojnë kur situata bëhet më e vështirë. Nëse keni përjetuar ndonjëherë diçka si kjo, apo keni parë ndonjë tjetër të kalojë këtë situatë ose ka humbur një fëmijë, atëherë ju lutemi, dijeni që nuk jeni vetëm në dhimbjen tuaj dhe unë po mendoj për ju kur këndoj këtë këngë”,-u shpreh këngëtarja.
Më herët Jessie J ka shprehur dëshirën për të bërë fëmijë shumë shpejt, por mesa duket kjo gjë nuk do ndodhë./revistawho.com
