Pas ndryshimit në ‘look’ të Ariana Grandes qëndron një arsye e fortë

Ariana Grande i habiti të gjithë me ndryshimin e saj më të fundit në ‘look’. Këngëtarja e njohur preu flokët e saj shkurt dhe shumë e interpretuan se ky ndryshim erdhi nga ndarja e saj me Pete Davidson. Por në fakt duket se nuk ka qenë kjo arsyeja e vërtetë. “Ariana kishte nevojë të ndryshonte disa gjëra dhe prerja e flokëve ishte një mënyrë e mirë për të lëvizur drejt 2019-ës”, – ka thënë një burim i afërt i këngëtares për ‘Hollywood Life’. Me tej ky burim ka treguar se këngëtarja ka pasur shumë nevojë për këtë ndryshim, sepse ka kaluar një periudhë shumë të vështirë, të dhimbshme dhe duhet të kujdeset më shumë për veten. Pas gjithë traumave në jetën e saj, modeli i ri i flokëve do të thotë një fillim i ri dhe me siguri Ariana duhet të jetë duke pritur me padurim se çfarë i ka rezervuar e ardhmja. /revistawho.com