Dita e sotme për familjen e Besit dhe Xhensilës është më speciale se kurrë. Aktori i njohur i humorit feston 33-vjetorin, por këtë vit ka pranë edhe të bijën e cila erdhi në jetë pak muaj më parë. Në një album fotosh ku protagonist janë dy të dashuruarit, këngëtarja Xhensila Myrtezaj ka shkruar një urim të ndjerë siç shpesh jemi mësuar të lexojmë nga ajo, por edhe i kërkon që të jetë gjithmonë pranë vajzave të shtëpisë derisa të grinden për dashurinë e tij.
“Çfarë jam pa ty? Asgjë. Në të mirë dhe në të keq ti gjithmonë je krah meje. Në çdo frymëmarrje, në çdo hap të jetës time dhe në çdo moment që do jetoj, dua ta jetoj me ty përgjithmonë. Kjo ditëlindje është magjike për ne. 33 vite jetë, 33 vite buzëqeshje, shpresë, mirësi, besnikëri për këdo që ka qenë pranë teje. Ky 33 vjetor të gjeti më të plotësuar se kurrë më parë, ashtu siç e kishe imagjinuar veten që në vogëli. E gjitha çka uroj për ty është shëndet, unë do përpiqem ta bëj jetën tënde sa më të qetë dhe të bukur, ashtu siç ti gëzon ditët tona. Të lutem qëndro me ne pak më shume, me ne gocat që kur të kaloj dhe pak kohë, do zihemi se kush të ka dhe kush të do më shumë”,-shkruan Xhensila krahas fotove të papublikuara më parë nga çifti. Besi nuk e ka vonuar përgjigjen me anë të një komenti në postimin në fjalë. “Faleminderit Zotit për plotësinë në çdo gjë timen”,-shkruan ai./revsitawho.com
https://www.instagram.com/p/BqZieqQgCSQ/?utm_source=ig_share_sheet&igshid=8bj7sjprygpm&fbclid=IwAR38H3S211BCgSfY760yqWVZjEuDGq-l6LWT82rBvvhjBoqmAOZq0fP1Wng
