Pak ditë më parë në ‘Instagramin’ e stilistit Stegano Gabbana u publikua një ‘story’, me anë të së cilës ofendohej kultura kineze. Stefano debatoi me Michaela Tranova në ‘Instagram’, bisedat me të cilën përmbanin fyerje të mëdha të tipit “Shtet m*ti”, “Mafia injorante kineze që mban erë të keqe” apo “kinezë që hanë qen”. Direkt pas këtyre mesazheve, u anulua shfaqja e ‘Dolce & Gabbana-s’ që ishte planifikuar të mbahej në Kinë, shteti me blerësit më të mëdhenj të markës.
Ky debat nxiti shumë komente negative tek popullsia, të cilët kanë nisur të ‘hakmerren’. Në rrjetet sociale po qarkullojnë foto dhe video të kinezëve, të cilët hedhin në plehra rrobat që mbajnë emrin e Stefano Gabbana.
Ndërkohë faqja zyrtare e ‘Dolce & Gabbana-s’ në ‘Instagram’ ka publikuar një deklaratë, përmes të cilës tregon se profili i Stefano-s dhe e D&G ishte hakuar dhe se zyra ligjore e kompanisë po investigon. Ka edhe raporte jozyrtare që Stefano dhe Domenico kanë paraqitur në polici, por deri më tani asgjë nuk dihet me siguri./revistawho.com
