Nisma e bamirësisë së moderatores simpatike, Albana Osmani, ka bërë jehonë në mbarë botën. Së fundmi, Albana është bërë pjesë e kopertinës së një reviste shumë të njohur në Gjermani për të folur pikërisht për ‘Ti je një luledielli’ si dhe për gjithë rrugëtimin e saj në jetë. Albana ka dhënë një intervistë të gjatë ekskluzive për punën e saj si moderatore, një grua bamirëse dhe modele. Ajo është shprehur shumë e lumtur që ju dha mundësia të ndajë edhe me lexuesit gjerman eksperiencën e saj për këtë nismë kaq të bukur në ndihmë të të gjithë fëmijëve të sëmurë.
“Faleminderit revistës ‘Life Magazine’ në Gjermani! Përmes kësaj interviste ne folëm për shumë ditë të bukura e me diell të jetës time, për lulediellin e fëmijëve, për zemrën e bardhë të shqiptarëve, të cilëve ju jam mirënjohëse!”, – ka shkruar Albana bashkangjitur fotografisë së kopertinës. Revista do të dalë në shitje për tregun gjerman në datën 7 dhjetor. /revistawho.com
