Shumë prej nesh 29 nëntorin e lidhin me Natën e bardhë, një festë të madhe që tashmë është kthyer në një traditë të përvitshme. Çdo vit me qindra qytetarë jo vetëm nga Tirana por nga vende të ndryshme të Shqipërisë mblidhen në sheshin ‘Skënderbej’ për të festuar nën ritmet e muzikës më të mirë me këngëtarët më në zë. Në vitet e shkuara disa nga emrat më të njohur të muzikës botërore si Rita Ora, Jessie J, John Newman, Giusy Ferreri dhe Emily Sande janë bërë pjesë e kësaj feste të madhe për të argëtuar publikun shqiptar.
Ndërsa këtë herë, ‘Bashkia e Tiranës’ ka menduar që Nata e bardhë të jetë një festë 100% shqiptare. Aurela Gaçe, Elhaida Dani, Vesa Luma dhe Erik Lloshi do të këndojnë hitet e tyre më të njohura dhe do të mbajnë zgjuar të gjithë kryeqytetin deri në orët e para të mëngjesit.
Janë këngëtarët më të preferuar të momentit dhe është e sigurt që këtë vit koncerti do të jetë më madhështor se kurrë më parë, sepse muzika shqiptare do të jehojë në çdo cep të qytetit. /revistawho.com
