Mbrëmjen e kaluar u inaugurua ‘Delirium Shop’, me një imazh të ri, i rinovuar dhe plot surpriza. Në një mbrëmje plot argëtim, Armina Mevlani dhe Jonida Maliqi prezantuan mes miqsh dhe kolegësh gjithçka për të cilën kishin punuar gjatë gjithë këtyre muajve. Dy influencueset e modës tashmë e kanë kaluar në një tjetër nivel kontaktin me ata që i duan dhe i ndjekin, duke krijuar mundësinë që shija e hollë e tyre të jetë në garderobën e të gjithëve. E kush nuk do të donte të ishte pak Arminë dhe pak Jonidë?
Dy bukuroshet e ekranit synojnë të sjellin gjithçka i mungon tregut shqiptar. Firmat më të mira në botë do të jenë ekskluzivitet i ‘Delirium Shop Albania’. Duke marrë parasysh eksperiencën e gjatë të Arminës dhe Jonidës si sipërmarrëse, përkatësisht 10 vite për këngëtaren e njohur dhe 5 vite për bloggeren, suksesi është i garantuar.
Në mbrëmjen e inaugurimit qenë të pranishëm personazhe të njohur të showbiz-it, ndër të cilët mund të përmendim: Rovena Dilo, Olti Curri, Suada Sherifi, Dorina Mema, Orinda Huta, Rudina Dembacaj, Bora Zemani, etj. Vizitojini nga afër ambientet e ‘Delirium Shop’ dhe nuk do të zhgënjeheni. Ju sigurojmë se do dilni me çanta plot dhe buzëqeshje në fytyrë./revistawho.com
