Që në fillimet e karrierës së saj si këngëtare Vesa Luma është shfaqur gjithmonë me flokë bionde dhe dukej se do t’i qëndronte gjithmonë besnike këtij stili. Megjithatë edhe Vesa ka vendosur të ndryshojë, madje mund të themi se ka guxuar shumë. Këngëtarja publikoi në ‘Instagram’ një fotografi përkrah vogëlushit të saj Lian dhe menjëherë binte në sy pamja e saj e re. Ajo ka bërë flokët rozë dhe pavarësisht se jo të gjithë mund të eksperimentojnë kaq shumë, tek Vesa kjo ngjyrë duket shumë bukur.
Kujtojmë se pak javë më parë këngëtarja u kthye në Shqipëri dhe shumë shpejt pritet të publikojë projekte të reja muzikore dhe të ngjitet sërish në skenë. /revistawho.com
