SEKRETET E SUPERMODELES/Irina Shyak: Kur jetoja në Rusi haja qofte e makarona

“Jam një modele”, por nuk e privoj veten nga asnjë ushqim. Edhe kur jam në set, jam gjithë kohës duke ngrënë. Kur jetoja në Rusi gjyshet e mia më gatuanin petulla, qofte dhe makarona shumë të shijshme, ka deklaruar në një intervistë supermodelja Irina Shyak që u shfaq para disa ditësh në sfilatën e Diane Von Furstenberg për të prezantuar koleksionin 2016-2017 në krah të kolegeve të saj Gigi Hadid, Kendall Jenner, Karlie Kloss, Lily Aldridge e Jourdan Dunn. “Sigurisht kam gene shumë të mira dhe për këtë i jam mirënjohëse familjes sime. Bëj shumë boks dhe ‘jiu jitsu’, sepse është shumë e rëndësishme të gjesh sportin e duhur që bën për trupin tënd. Gjithmonë vesh taka, pa to vetja më duket nudo”, tha Irina. Shyak së fundmi është bërë imazhi i L’Oréal dhe Givenchy, ndërkohë që disa muaj më parë postoi në faqen e saj në Instagram një fotografi që bëri xhiron e botës, ku ajo qëndronte e shtrirë vetëm me të brendshmet e poshtme dhe çizme lëkure me takë ‘spilo’. Me një fizik prej perëndeshe sot e fejuara e Bradley Cooper nuk resht së përsërituri se ajo nuk e privon veten ndaj asnjë lloj ushqimi dhe se nuk mund ta imagjinojë jetën e saj pa ngrënë atë që dëshiron.