Dita Botërore kundër Sidës, këtë vit Shqipëria kap vlera alarmante

1 dhjetori është Dita Botërore kundër Sidës. E vendosur në vitin 1988, Dita Botërore kundër Sidës është një rast për të përkujtuar njerëzit që kanë humbur jetën nga kjo sëmundje. Ky është gjithashtu një rast që bota të vlerësojë përpjekjet e tanishme për të ndihmuar njerëzit e prekur nga virusi HIV i cili shkakton Sidën dhe për t’u riangazhuar në luftën për të parandaluar përhapjen e mëtejshme të këtij virusi.
Pavarësisht përpjekjeve që janë bërë së fundmi nga mjekët apo media, në vendin tonë numri i të prekurve nga kjo sëmundje është shumë i lartë. Sipas statistikave të publikuar këtë vit janë prekur 92 njerëz të tjerë nga të cilët 2 janë nën moshën 15-vjeçare. Qyteti më i prekur është Tirana dhe në vendin e dytë është Lezha./revistawho.com