Së fundmi Jennifer Aniston ka nënshkruar një kontratë për filmin më të ri ku do luajë si protagoniste. ‘Dumplin’ titullohet projekti kinematografik që ka një qendër një vajzë mbipeshë e cila hyn në një konkurs bukurie për të sfiduar të tjerët dhe veten. Pikërisht këtë rol aktorja me famë botërore e ka lidhur me jetën e saj duke u shprehur se i kujton marrëdhënien me të ëmën.
“Gjithmonë shikoja të keqen tek vetja. Më dukej sikur nuk isha modeli i duhur i vajzës që nëna ime dëshironte, por ishte pikërisht kjo gjë që më bëri të arsyetoj. Kjo vajzë e vogël thjesht donte të ishte e dukshme, donte dashuri nga një nënë që ishte e zënë me gjëra që në të vërtetë nuk kishin rëndësi”,-u shpreh Aniston për ‘The Sunday Telegraph’. Më tej ajo ka shprehur opinionin e saj lidhur me bukurinë, duke theksuar se gjithë çfarë mban shpirti ka rëndësi për të, ndërsa gjërat e tjera jo./revistawho.com
