Pavarësisht se ata ndihen të lumtur pranë njëri-tjetrit, komentet negative në rrjete sociale nuk mund t’i lënë të jetojnë të qetë. Bëhet fjalë për Justin Bieber dhe Hailey Baldwin, që siç duket kanë filluar të ndihen nën presion ndaj komenteve negative të njerëzve. Në një postim në ‘Instagram’ Hailey ka treguar se fillon të ndjejë ankth kur hap rrjetet sociale. “Të qëndrosh larg ‘Instagram’-it është gjëja më e mirë. Sa herë që bëj pushime prej tij, ndihem shumë herë më mirë si person…e dyta sa herë që rikthehem më kap ankthi. Trishtohem”, – ka shkruar Hailey. Ajo ka thënë se negativiteti i njerëzve është shumë i lartë dhe ndikon keq në marrëdhëniet e saj me të tjerët. Megjithatë në fund ajo ka treguar se nuk do lejojë askënd ta mposhtë, duke shijuar jetën dhe qenë e lumtur. Hailey dhe Justin kurorëzuan me martesë dashurinë e tyre në shtator të këtij viti dhe që prej atij momenti janë përballur me kritika të forta në rrjete sociale. /revistawho.com
Pas martesës me Justin, Hailey e pranon se ndihet e lënduar nga komentet negative të njerëzve
