Juliana Pasha ka vetëm një konkurrente të fortë në muzikë

Pjesë e puntatës së radhës në emisionin ‘Shiko kush luan’ ishte edhe këngëtarja e njohur, Juliana Pasha. Gjatë njërës prej lojërave në emision, Juliana u vendos në vështirësi për të treguar emrin e konkurrentes së saj më të fortë në muzikë. Pavarësisht se shumë nuk mund ta pranojnë se kanë konkurrentë, këngëtarja u tregua e sinqertë. Juliana tha se vlerëson shumë një këngëtare për potencialin e padiskutueshëm dhe ajo është Aurela Gaçe. Gjithashtu sipas këngëtares, Aurela është konkurrente e denjë që edhe i afrohet vokalit të saj. Vlen për t’u theksuar se Juliana dhe Aurela janë me të vërtetë dy nga artistet më të plotësuara në të gjitha dimensionet dhe sigurisht këtë e tregon edhe vlerësimi e dashuria që publiku ka për to. /revistawho.com