Lidhjet e gjakut në botën e showbiz-it janë bërë gjithmonë e më të shpeshta. Mesa duket talenti artistik “vlon në vena”. Rasti më i fundit, që askush nuk e dinte është ai mes aktorit të humorit Bes Kallaku dhe këngëtares më të vogël të “Kënga Magjike”, Wendi Mancaku. Këtë informacion e ka zbuluar vetë këngëtarja bukuroshe, e cila ka postuar një foto në ‘Instastory’ përkrah Besit. “Kusho”, shkruan ajo ndërsa i bën tag emrit të tij. Ata janë takuar së bashku në festival, ku Wendi ka fituar çmimin “Artistja më e mirë e re”, nderkohë Besi ka qenë i ftuar si një nga prezantuesit më të mirë gjatë 20 viteve histori.
