Viti 2018 ka qenë plot me fejesa, martesa dhe fatkeqësisht ndarje. Ky vit sjell një listë të gjatë ndarjesh, duke filluar nga Jennifer Aniston, lidhja 10 vjeçare e Cassie me Diddy apo Ariana Grande me Pete Davidson.
1. Cassie dhe Diddy
Pas 10 vitesh bashkë, Cassie dhe Diddy janë ndarë këtë vit. Edhe pse asnjëri nga të dy nuk ka deklaruar përsa i përket ndarjes, përfaqësuesit e Cassie kanë thënë se ato janë ndarë dhe kanë muaj që nuk janë bashkë.
2. Channing Tatum dhe Jenna Dewan
Një nga ndarjet më të bujshme dhe të dhimbshme ka qenë ajo e Channing Tatum dhe Jenna Dewan. Ato e deklaruan ndarjen e tyre me një postim në ‘Instagram’ në muajin Prill dhe mesa duket të dy kanë vazhduar jetën duke krijuar lidhje të reja.
3. Kourtney Kardashian dhe Younes Bendjima
Pas ndarjes me Scott Disick lidhja më serioze e Kourtney Kardashian ka qenë me modelin francez Younes Bendjima. Ato kanë udhëtuar në të gjithë botën së bashku dhe kanë qenë një nga çiftet më të komentuara, por këtë vit ata i dhanë fund lidhjes së tyre.
4. Justin Theroux dhe Jennifer Aniston
Pas martesës 2 vjeçare, Jennifer Aniston dhe Justin Theroux kanë deklaruar ndarjen e tyre. Kanë thënë që ndarja ka qenë e qetë dhe me dëshirën e të dyve.
5. Brooklyn Beckham dhe Chloe Grace Moretz
Asnjëri nuk i ka komentuar lajmet në lidhje me ndarjen, por Brooklyn Beckham momentalisht është në një lidhje me modelen Hana Cross. /revistawho.com
