Mund të themi me plot gojën që Flori Mumajesi është këngëtari i momentit. Kënga e tij “Plas” e prezantuar tek “Kënga Magjike” fitoi menjëherë zemrat e publikut, arriti me mijëra klikime në “Youtube”, u shpall si balada më e mirë e festivalit e fitoi gjithashtu edhe çmimin e parë në këtë edicion. Ndërkohë edhe kënga e tij me Brunon e publikuar pak ditë më parë “Ja ke bo vetes”, pati shumë klikime. Përveç këtyre, shumë këngë në festival mbanin firmën e Florit.
Shumë punë përkthyer në shumë suksese, ndoshta ky është motivimi i artistit. “Prive.al” bën me dije se këtë fundjavë Mumajesi do të publikojë këngën e re. Sipas tyre projekti do të jetë një bashkëpunim midis vetë Florit, Brunos dhe Ghetto Geasyt,të tre shumë të dashur për publikun. Fansat mezi presin të dëgjojnë se ç’kanë krijuar këtë herë/revistawho.com
