Për të pasur një fytyrë sa më pastër dhe për të ruajtur freskinë sa më gjatë është e nevojshme të tregoni shumë kujdes dhe ti kushtoni vëmëndje lëkurës tuaj. Nëpër botë, femrat dhe jo vetëm, i nënshtrohen disa trajtimeve jo-kirurgjikale shumë të njohura dhe efektive. Këto mund t’i gjeni tani dhe në Shqipëri sigurisht aplikuar nga profesionistë. Disa nga këto trajtime janë:
1. Mesotherapy
Mesoterapia është një trajtim me gjilpëra të vogla të cilat deportojnë deri në thellësinë e problemit të lëkurës tuaj. Pas gjilpërave aplikohet serumi përkatës dhe efektiviteti i kësaj proçedure duket vetëm pas 4-10 seanca. Ajo trajton aknet, njollat e lëkurës, rrathët e zinj poshtë syve, rënien e flokëve si dhe celulitin.
2. BB glow
Konsiderohet si një trajtim bukurie, i cili njëtrajtëson ngjyrën e fytyrës duke i dhënë një mbulim të lehtë. Mbulon njollat e diellit, shenjat post-akne, rrathët e zinj poshtë syve, qukat skuqjet e lëkurës, hidraton thellë lëkurën, largon yndyrën e tepërt dhe minimizon poret.
3. PlasmaLiner
Një tjetër trajtim jo-kirurgjikal dhe nga më të fundit në Rusi. Mundëson zhdukjen e rrudhave, nishaneve dhe shenjat e akneve nëpërmjet një aparature që ngjason me lazerin. Nëse nuk dëshironi t’i drejtoheni operacioneve plastike, këto trajtime janë zgjedhja më e shpejtë dhe e duhura. /revistawho.com
