Flokët janë pjesë shumë e rëndësishme e look-ut të çdo vajze. Dikush mundohet t’i mbaj sa më natyrale, dikush të ndërrojë ngjyrën ndërsa dikush tjetër të luajë me format nga të drejta t’i mbajë në onde, apo anasjelltas. Megjithatë më kryesorja, mbetet ruajtja e qëndrueshmërisë të flokut tuaj. RevistaWho.Com ju ndihmon me disa këshilla se si të keni flokë të shëndetshëm gjatë gjithë kohës. 1. Zgjidhni shampon e duhur! Larja e flokut është një proces shumë i domosdoshëm. Por që kjo larje të realizohet në mënyrën e duhur duhet të përzgjedhim produktet sa më cilësore dhe pa kimikate. Prandaj rekomandohet që përpara se të blini shampon, hidhini një sy përbërësve të saj.
- Bëni kujdes me ujin e nxehtë! Sa më i nxehtë të jetë uji, aq më shumë dëmtohet rrënja e flokut tuaj. Përpiquni që kur jeni drejt përfundimit, të realizoni një shpëlarje me ujë sa më të ftohtë.
- Ushqehuni shëndetshëm! Që floku juaj të ketë një rritje sa më normale, rekomandohet dhe përdorimi i ushqimeve që në përbërje kanë sa më shumë vitamina dhe proteina. Sugjerohet një përdorim masiv i frutave.
- Aplikoni produkte bio! Vlerat ushqyese të flokut tuaj duhet të jenë sa më të larta dhe për këtë rekomandohet të praktikoni në flokët tuaj produkte bio si mjalti, veza dhe banania.
- Përpiquni të shmangni përdorimin e tharëses, pasi ajo bën që flokët tuaj të jenë sa më të yndyrshëm. Gjeni një formë tjetër për tharjen e tyre, për shembull duke përdorur një peshqir sa më të butë.
- Shmangni kapjen e flokut me llastikë të fortë, i lini sa më të lirshëm. Kjo gjë ju ndihmon dhe nga ana shëndetësore, pasi qelizat tuaja janë gjithmonë e më të shplodhura.
