Miley Cyrus është një emër shumë i njohur për të gjitha grupmoshat. E ka filluar karrierën e saj si aktore dhe këngëtare në të njëjtën kohë. Roli i saj i parë ka qenë në moshën 13 vjeçare, ku u pranua në familjen e madhe të “Disney”. Që atëherë ka qenë gjithmonë në qendër të vëmëndjes dhe pavarësisht se ka pasur shumë ndryshime, karriera e saj ka qenë gjithmonë në ngritje. Kur fitoi rolin e Hannah Montana në vitin 2006 ka qenë vetëm 13 vjeç, por ky rol ishte pika e nisjes së karrierës së saj.
Në vitin 2009 u shfaq në një rol tjetër në filmin “The Last Song”, shumë i rëndësishëm për të, pasi u dashurua me aktorin Liam Hemsworth. Lidhja e tyre ka pasur uljet dhe ngritjet që nga ajo periudhë, por megjithatë dashuria e tyre ka triumfuar mbi cdo gjë.
Në vitin 2010-2011 ishin fillimet e reja për të. Ajo la pas personazhin “Hannah Montana” dhe filloi karrierën si Miley Cyrus. Sigurisht karriera e saj nuk ka pasur vetëm ngritje. Në vitin 2012-2013, Miley deklaroi ndarjen me Liam Hemsworth dhe mediat filluan ta komentonin negativisht për ndryshimet në stilin e saj dhe modelin e çuditshëm të flokëve. Në vitin 2016 ajo deklaroi bashkimin me Liam dhe tha se janë sërish të fejuar. Në 2017 publikoi albumin “Younger Now” dhe i dedikoi një këngë qytetit të saj të preferuar, Malibu. Flokët gjithashtu dukeshin ndryshe dhe më të gjatë. Këtë vit, Miley ka fshirë çdo foto në ‘Instagram-in’ e saj për të publikuar muzikën e saj të re. Tani karriera e saj po arrin majat. /revistawho.com
