Aktori i njohur i Holliwood-it, ka falenderuar bashkëpunëtorët e tij teksa ka marrë çmimin Bafta si aktori më i mirë.
Por ajo çfarë ka bërë përshtypje është se gjatë falenderimit, Leo DiCaprio e fokusoj vëmendjen tek një grua 73-vjeçare që pasqyronte veten e tij.
“Në fund, është një person që dëshiroj të falenderoj. Nuk do të isha këtu nëse nuk do të ishte ky person. Nuk jam rritur në një jetë me privilegje. Unë jam rritur në një lagje në periferinë lindore të Los Angeles. Kjo grua më dërgonte për tre orë në tre shkolla të ndryshme për të më treguar mundësitë e ndryshme. Sot është ditëlindja e saj. Mami, gëzuar ditëlindjen. Të dua shumë”, tha aktori 41-vjeçar.
DailyMail shkruan se këto fjalë të ngrohta nga Leo mund të duken të zakonshme, por referuar lajmeve të shumta për aktorin, është vënë re se Irmeline, nëna e tij ka qënë përkrah të birit gjatë gjithë kohës. Që në adoleshencën e tij, e ëma e ka shoqëruar në çdo ndarje çmimesh e premierë filmash, çka tregon dhe lidhjen e veçantë të tyre.
