Albana Osmani ka qenë e ftuar mbrëmjen e sotme në ‘Xing me Ermalin’ dhe ka folur për detaje nga jeta, karriera dhe projektet e së ardhmes. Një nga historitë që mori më shumë vëmendje dhe shkaktoi të qeshura tek publiku ishte episodi i viteve të shkuara që moderatorja tregoi.
Protagonist ishte Lorik Cana në kohën kur siç thotë Albana, nuk i merrej vesh gjendja civile. Ata janë takuar për një intervistë në periudhën kur moderatorja ishte pjesë e ‘E diell’ në rubrikën, ku personazhe të njohur intervistoheshin me robdeshambër.
“Në një moment më tregoi tatuazhet dhe gjithë produksioni ishte duke na ngacmuar, ndërsa unë thoja me vetë ‘të keqen e shqipes’. Më tej ndodhi diçka shumë e sikletshme sepse unë dhe Loriku do ndërroheshim në të njëjtën dhomë pasi mbaruan xhirimet. Por Loriku kishte harruar të vishej duke u marrë me telefon dhe unë hyj e gjej të zhveshur. Nga sikleti e pyeta: ‘Sa fëmijë ishit ju?”,-shpjegoi duke qeshur Albana. Si përfundim moderatorja rrëfeu se u largua dhe sikleti që përjetoi ishte shumë i madh./revistawho.com
