Prezantuesja e famshme italiane vjen në Shqipëri: Do doja të jetoja këtu

Në natën finale të programit “Dance With Me”, e ftuara speciale e mbrëmjes është prezantuesja e njohur italiane Paola Perego. Është shumë e njohur për shkak të programeve të ndryshme televizive dhe sigurisht shumë e dashur dhe për publikun shqiptar. Disa minuta të programit iu kushtuan totalisht intervistës me Paolën dhe ndër të tjera, Alketa Vejsiu e pyeti se çfarë mendimi ka ajo për Shqipërinë. Paola u shpreh se do dëshironte shumë të jetonte këtu. Tha se Tirana është shumë e bukur dhe se njerëzit janë shumë bujarë. Më tej shprehu dhe dëshirën e saj për të realizuar programin televiziv “La Talpa” në Shqipëri.
Kur Alketa i drejtoi një pyetje lidhur me bregdetin tonë, Paola tha se e kishte parë nga fotot dhe e kishte pëlqyer shumë. Do ishte ideale ta xhironte programin “La isola dei famosi” këtu, pohoi Paola.
Për të ndryshuar pak atmosferën, Alketa dhe Paola zhvilluan një lojë me fjalë të vështira shqip. “Dua të mësoj shqip”- u shpreh ajo para se të fillonte loja.
Në fund të intervistës Paola tha disa fjalë përshëndetëse. Kishte marrë shumë mesazhe pozitive nga shqiptarët se do largohej për në shtëpinë e saj në Itali e mbushur me dashuri.