Printi i luleve është një ndër më pak të përdorshmit gjatë sezonit të dimrit. Megjithatë kjo nuk do të thotë se është një ide e gabuar të veshësh një fustan, një bluzë apo qoftë edhe një xhaketë me print lulesh. Këtë gjë e kemi kuptuar edhe nga disa vajza të njohura dhe mund të themi se ato kanë hedhur poshtë tezën se lulet dhe ngjyrat e shumta nuk janë të pranueshme në dimër. E vetmja gjë që duhet të bëni është të zgjidhni llojin e printit të luleve. Në dimër është më mirë të vishni diçka me lule në madhësi mesatare ose të vogla dhe që afrohen me ngjyrat e dimrit.
Përveçse do të përshtateni me stinën, do të keni edhe një veshje më të veçantë nga të tjerët. Edhe nëse nuk doni që e gjithë veshja juaj të jetë e mbuluar nga lulet, mund të zgjidhni një opsion tjetër që ky detaj të jetë vetëm në një pjesë si për shembull tek mëngët.
Gjithçka e keni ju në dorë, por nuk mund të thoni se lulet nuk janë për dimër. /revistawho.com
