Kate Middleton dhe Meghan Markle janë shumë më shumë se partneret me vetëbesim të Princ William dhe Princ Harry. Ato janë femra moderne që po ndryshojnë monarkinë. Që kur Meghan ju bashkua zyrtarisht familjes mbretërore me martesën e saj në maj, ka patur shumë ndryshime brenda pallatit mbretëror, madje disa thonë se kjo gjë pritej. “Gratë kanë ndryshuar dinamikat dhe të dyja janë femra shumë të forta. Nëse ti sjell dy femra të pavarura nga jeta reale në atë mbretërore, sigurisht që do të kenë impakt”,-janë shprehur burime nga pallati për ‘People’.
Më tej i njëjti burim ka folur për tensionin që thuhet se ka pushtuar familjen mbretërore. “Distancimi i tyre dhe jetesa në shtëpi të ndryshme do ju bëjë mirë. Secila nga gratë ka rolin e saj, totalisht të ndryshëm nga tjetra. Ato janë të fokusuara në familjen e tyre të vogël, por dy vëllezërit nuk mund t’i ndajë asgjë. Ata janë djemtë e Dianës”,-u shprehën burimet.
Por e dini çfarë është e vështirë brenda pallatit? Të kontrollosh ambicien e Meghan. Nusja e re siç duket është e vështirë për t’u bindur dhe ka plotësisht karakter të ndryshëm nga Kate. Se si do shkojnë gjërat mes kunatave nuk dihet, por gjasat janë që të ketë akoma konflikte./revistawho.com
