Djali artist i Inva Mulës dhe Pirro Çakos do të jetë i ftuar special në finalen e ‘Festivalit të RTSH-ës’ me një mision shumë special. Për herë të parë ai do të shfaqet në një skenë shqiptare të këtij niveli për t’i bërë homazh muzikës që ka krijuar gjyshi i tij, Nderit të Kombit, Gaqo Çako. Sigurisht performanca e Anthony do të vijë në mënyrë të veçantë, siç i shkon për shtat karakterit të artistit të ri, që do të performojë një pjesë nga repertori që ka kënduar gjyshi i tij.
Jemi të sigurt që performanca e tij do të jetë shumë emocionuese dhe do të mbetet gjatë në memorien e shikuesve. Kujtojmë se Gaqo Çako renditet ndër emrat më të mëdhenj të panteonit të muzikës shqiptare.
Finalja e festivalit që këtë vit mban edicionin e 57-të do të mbahet mbrëmjen e nesërme. Emocionet do të jenë të mëdha, po ashtu edhe surprizat të cilat do të finalizohen me përzgjedhjen e përfaqësuesit të Shqipërisë në ‘Eurovizion’./revistawho.com
