Prej disa kohësh marrëdhënia e bloggeres italiane Chiara Ferragni dhe stilistit të famshëm, Roberto Cavalli është vënë në qendër të mediave rozë. Ky i fundit lëshon herë pas here deklarata në rrjetet sociale ku fyen bloggeren. Pak kohë më parë ai e sulmoi Chiara-n duke i përmendur faktin se ajo nuk e ushqeu me gji fëmijën vetëm që të ruante gjoksin. Pas kësaj ai i kërkoi falje nëpërmjet një letre të gjatë dhe të gjithë menduan se dyshja bëri paqe. Por me sa duket kjo nuk ka qenë e vërtetë dhe stilisti sapo e ka treguar këtë. Ai i ka komentuar në një foto ku ajo shfaqej duke u puthur me bashkëshortin e saj dhe Roberto vë në dyshim martesën e tyre.
”Dashuri apo publicitet”, shkruan stilisti.
Ky koment duket se nuk i ka pëlqyer aspak Fedez, i cili i është kundërpërgjigjur menjëherë. Ai ka publikuar komentin e stilistit dhe mbi të shkruan: ”Vetëm dashuri”./revistawho.com
