Urimet duket se janë me vend për çiftin e njohur të ekranit, Miley Cyrus dhe Liam Hemsworth. Teksa shumica bëjnë përgatitjet për festa, dy të dashuruarit janë martuar. Pamjet nga festa e fshehtë e aktorit dhe këngëtares së suksesshme, janë publikuar nga vëllai i Liam. Në to, shfaqet Miley e veshur me një fustan të bardhë dhe partneri i saj me kostum të zi. Një tortë me dy kate duket në sfond, ndërsa disa tullumbace me shkrimet ‘Mrs/Ms’ vetëm i forcuan dyshimet tona.
Kujtojmë se prej shumë kohësh statusi i çiftit është në diskutim, pasi është përfolur shpesh për një martesë të fshehtë. Nëse kjo ceremoni familjare ka qenë vërtetë dasma e Liam dhe Miley, kjo pritet të konfirmohet në vazhdim./revistawho.com
