Është e padiskutueshme se çdo gjë që vesh Rihanna, qoftë e bukur apo jo kthehet menjëherë në trend. Kështu ka ndodhur dhe me çizmet plastike në ngjyrë jeshile, që deri më tani ishim mësuar t’i shikonim vetëm në raste përmbytjesh. Qesharake apo jo, sapo Rihanna i veshi këto çizme së bashku me një xhup të kuq ‘oversize’, menjëherë u rikthyen në modë. Duket se të njëjtin trend ka zgjedhur ta ndjekë dhe këngëtari shqiptar Alban Ramosaj.
Në disa foto të publikuara nga vetë ai në ‘Instagram’, ka veshur pikërisht çizmet plastike në ngjyrë jeshile me një këmishë në po të njëjtën nuancë dhe xhinse ngjyrë blu. Kombinimet janë të ndryshme, por mesa duket ky model çizmesh nuk njeh gjini dhe shpejt do të jetë trend i ri i 2019./revistawho.com
