Këngëtarja Greta Koçi ka përfituar nga koha e lirë për t’iu dhënë mundësi ndjekësve të saj t’i drejtojnë pyetjet që kanë për të. Mes komplimenteve, pyetjeve për koncertin e radhës, etj, ra në sy një histori e panjohur nga publiku, që shpjegon arsyen pse prindërit zgjodhën ta pagëzojnë me emrin Greta. “Emrin ma ka vënë mamaja ime. Po e them këtë histori për herë të parë. I ndjeri koreografi më i mirë që ka patur Shqipëria, Agron Alija, ka patur një vajzë që ka qenë pianiste. Ajo quhej Greta dhe mamaja ime thotë që ka qenë një vajzë e zonja, e talentuar dhe shembull. Një vajzë me të gjitha cilësitë e një zonjushe të mrekullueshme. Ndoshta ajo nuk e di, por po ja them sot: Unë jam ajo Greta që prej mirësisë tënde, kam marrë emrin tënd”,-ka shpjeguar këngëtarja e njohur.
Siç edhe kuptohet, për Gretën emri që mban është shumë special, po ashtu edhe historia që fshihet pas tij./revistawho.com
